Ida begin haar werksloopbaan in die versekeringsbedryf in 1981 by Sanlam se hoofkantoor in Bellville. In 1986 verhuis sy na Vredenburg waar sy werksaam was by Metropolitan. In 1993 begin sy by Old Mutual werk en na 21 jaar diens sluit sy in 2015 aan by MMR Finansiële Dienste.

Deon begin sy loopbaan in 2011 as klerk onderskeidelik by Maritz Rekenmeesters en Nel Rekenmeesters. In 2017 begin hy werk as finansiële bestuurder in die motorbedryf. In 2018 behaal hy sy BCompt graad in Finansiële Rekeningkunde deur Unisa. In November 2021 sluit hy as finansiële bestuurder aan by MMR en MPS.

Laetitia begin haar loopbaan in die versekeringbedryf by MMR in 1998. Sy verwerf haar nasionale sertifikaat in korttermynversekering in Mei 2000. In 2005 word sy hoof van die mediese afdeling en begin haar loopbaan as mediesefonds-raadgewer.

Nadia matrikuleer in 2004 by Hoërskool Dirkie Uys, Moorreesburg. Sy studeer by Boland Kollege in die Paarl. (N6 Diploma as Persoonlike Assistent). Sy was die Handelsmerkbestuurder van Adidas by Tekkie Town se Hoofkantoor in George. Doen 5 jaar familiereg in die Paarl by Faure & Faure Prokureurs. Nadia sluit aan by MMR in Oktober 2020.

Petro Goosen is gebore in Port Nolloth. Sy voltooi haar skoolloopbaan in Springbok 1983. Sy trou in 1984 met Johan Goosen van Alexanderbaai. Petro is die trotse Ma van ‘n Seun, Lourens en tweeling dogters Linda en Lana. Sy begin haar loopbaan as tikster by Port Nolloth Munisipaliteit. Daarna werk sy as Admin & Finansiële Klerk by De Beers in die Personeel en Finansiële departemente. Petro sluit aan by MMR Finansiële Dienste as Mediese Klerk vanaf 2012 tot 2023. Sy neem ‘n kort blaaskansie van drie maande, waarna sy weer deel word van die Mediese Span by MMR.

Lucinda matrikuleer in 2007 aan Vredendal Senior Sekondêr. Sy verwerf in 2010 haar N4-N6 Sertifikaat as ‘n bestuursassistent. In 2012 verwerf sy haar sertifikaat in Besigheidsadministrasie: vlak 3. Sy was vir nege jaar werksaam by Midas Vredendal by ontvangs as die kassiere/admin klerk. In Januarie 2022 sluit sy as administratiewe klerk aan by MMR Medies.

Wilma begin in 1983 as Finansiële sekretaresse by Transnet in Johannesburg werk. Sy verhuis na 22
jaar in die Transvaal na die Wes-Kaap waar sy haar in Porterville vestig. Sy begin in 2008 as Praktyk
Administrateur by ‘n plaaslike dokter werk. Na 15 jaar diens verhuis sy na Vredendal en sluit in
Januarie 2023 aan by MMR se Mediese span.

Marinus is ‘n gebore Vredendaller. Hy was ’n leerder by Laerskool Vredendal en het sy hoërskoolloopbaan deur Impaq gedoen en in 2018 gematrikuleer. Gedurende 2019 het hy by Boston College te Paarl begin studeer en sy kwalifikasie as rekenaartegnikus behaal. In Januarie 2023 het hy as deel van die presidensiële program as admin assistent by LSV gewerk. Op 1 Desember 2023 het hy by MMR in die mediese afdeling, begin werk.

Wena het na +- 15 jaar se ondervinding as bemarker by Metropolitan Groepskemas in 2002 aangesluit by Marlize Roux se span as onafhanklike makelaar. Sy spesialiseer in Korttermynversekering en is ten volle geakkrediteerd vir Persoonlike, Kommersiële en Agri Korttermynversekering. Geen kliënt is te klein of te groot nie en jy kan verseker wees van haar hoofdoel: persoonlike diens!!

Joubert het in 2008 gematrikuleer aan die Vredendal Hoërskool waarna hy Megatroniese Ingenieurswese by CPUT in Bellville gaan studeer. In 2012 verwerf hy sy Nationale Diploma en begin dadelik te werk by British American Tobacco (BAT) se R&D Departement in die Paarl. Daar het hy die geleentheid gekry om met mense van reg oor die wêreld te werk en gou geleer dat mense verskillende idees het van hoe om ‘n probleem op te los. Hy voltooi sy kontrak by BAT in 2014 en begin studeer by Stellenbosch Universiteit waar hy in 2018 ‘n Bcom graad verwerf. Na sy studies deel Joubert sy tyd tussen die Landbou Bedryf en die Groot-/Kleinhandel Bedryf tot hy in 2024 aansluit by SFP Wealth/MMR Finansiële Dienste in Vredendal as ‘n Finansiële Beplanner en Korttermyn Makelaar. Joubert het groot geword in ‘n huis met ‘n Finansiële Beplanner, sy moeder Marlize Roux, waar hy al van ‘n jong ouderdom geleer is hoe om mense te help met die bou van hulle toekoms en hy sien uit om sy kennis in werking te stel.

Diasha het in 2015 ‘n leerlingskap in korttermyn versekering gedoen. Gedurende 2016 begin sy haar versekeringsloopbaan by Sansure makelaars in Bellville as invoere klerk. Op 6 Maart 2017 sluit sy haar aan by die SFP Wealth Span as assistent en onderskrywersklerk vir Wena Du Plessis.

Brenda werk van 1996 tot 2003 by Edcon (Jet en Edgars). Sy sluit op 26 Maart 2010 by Elzette Roux (Absa-raadgewer) aan as makelaars-assistent en onderskrywersklerk. Op 1 Junie 2018 begin sy werk by SFP Wealth – as assistent en onderskrywersklerk vir Marlize Roux.

Anne-Marie begin haar werksloopbaan by Rapport in Kaapstad as vryskut joernalis.
In 1980 verhuis sy na Breyten, waar sy vir 21 jaar vir Autonet (Padvervoer) gewerk het as Finansiële- Personeelbestuurder.
Daarna aangesluit by Ghekko (Personeelplasing vir Retail) in Gauteng as Finansiële- Personeelbestuurder, was 11 jaar deel van die span.
Sy verhuis na Secunda waar sy vir 6 jaar gewerk het by IC Health (Medies) ook as Finansiële- Personeelbestuurder.
Anne-Marie verhuis na Vredendal in 2018 waar sy werksaam was as Bestuurder by Checkin vir 3 jaar, en 2 jaar by Go Hyper.
Op 2 Februarie 2024 het Anne-Marie by MMR Finansiële Dienste aangesluit as Korttermyn-assistent.

Janine begin haar loopbaan in 2008 in die Finansiele sektor waar sy kennis en ondervinding opgedoen het binne die Bankwese. Sy verwerf haar NQF4 en NQF5 in Bankwese deur Chartall Business College, asook haar RE5 Fais deur Moonstone School of Business.

In Januarie 2025 sluit sy aan by die Korttermyn afdeling as Makelaars Assistent.

Loelita matrikuleer in 2022 aan Hoërskool Vredendal. In 2023 begin sy haar studies aanlyn by STADIO Higher Education, waar sy tans besig is om haar derde jaar in BCom Risk Management (NQF-vlak 7) te voltooi.

Tydens haar studies het sy by die nasorgsentrum van Laerskool Vredendal gewerk, waar sy waardevolle ondervinding in toesig, organisasie en interpersoonlike hantering opgedoen het.

In Julie 2025 doen sy skaduwerk by MMR onder leiding van Joubert Roux, waar sy verdere blootstelling aan die praktyk verkry. In November 2025 sluit sy amptelik aan by MMR se Korttermyn-afdeling.

Christine matriekuleer in 1991 aan Hoërskool Vanrhynsdorp.
In 2009 verhuis sy na Vredendal waar sy by verskeie besighede werksaam was.
Sy sluit by die MMR span aan op 01 April 2024.

Aanstellingsdatum:
Februarie 2025

Aanstellingsdatum:
September 2025